یادیندا بیر گئجه قول بویون اولدوق
سنین گؤزلرینده بوغولدوم بیر آن!!!
نه ده نسه بئله جه سارالدیق سولدوق
او سئنیق کؤرپوده آیریلان زامان
گئری دؤن بیر اته ک اومودوم قالدی
دئدیم وارلیغیمیز سولماسین داها
گه لمه دین ، آرزیلار سولدو سارالدی
سن سیز یاشاماغیم قالیب آللاها
سینیق اوره گیمده سنین حسرتین
داغ کیمی چئکیلیب داغ کیمی قالیب
بلکه ده دؤنمه گه یوخ جسارتین
بلکه ده بوداغلار آیریلیق سالیب؟!!
من دویا بیلمه دیم نه اولدو بیزه
سندن آیریلالی گوله بیلمیرم
گئری دؤن منی ده آپار دنیزه
قورتولوب یانینا گه له بیلمیرم
سئودا گؤزه ل دئییل
گؤزه ل لیک دیر
وهر نه یی گؤزه ل گؤرسن
اینان کی
اونا سئودالی باخیبسان.
اوزومده گوز یاشیندان بیل،اورک جامیم دولــو قانــدیــر
سارالمیش رنگیمه بیر باخ ایچیمده گور نه طوفاندیر!؟
شیل اولسون اللری کیمسه آییرسا جانی - جانانــدان
یاخیلمیش باغریمی شان ـشان ائدن عالمده هیجراندیر.
طبیبیـم یـوخ دوا وئرسیـن،حبیبیـــم یــوخ وفـا قیلسیــن،
اوزاق دوشموش یاریـن زولفو کیمی حالیـم پریشاندیــر!
نـه بیـر گئت وار نه بیر گل وار،نـه بیر درمـان ائـدن ال وار
کوسوب بختیم کیمی مندن،بو گون هر کیمسه لوقماندیر.
وورور اود آه سـوزانیم،سیـزیلـدیـر نئی کیمـی جانیــــم
اودور فریاده ویجـدانیـم هارایلیــر،هــر کیم اینسانـدیـــر.
آدین اینسان قویان وارســا،اورک دردیـن دویـان وارســـا
آچیـق گوزلـه باخیب گورسـون ،آرازدا ـ کورده سو قاندیر.
قـــارا بـاغـــدا او ذیـللـتـله قیریــر کافیــر مـوسـلمـانــی
گلنده سوز ـ سوزه دونیاده بیر میلیـارد موسلمـانــدیـــر!
هره اوز باشینی بیر جور قاتیر،ایستیــر گونون سووسـون
سوسان،ساکیت اولان،دینمز قالان ویجدان دا ویجداندیر؟
دئییــل او ائـرمنـی داشنـــاک،بـو آذربـایجـــان ائــــولادی
"قـارابـاغ" ـ دا ائـدن دعـوا بو گــون کـوفر ایلـه ایمانــدیــر.
بو گون گئتسه شوشا ـ لاچین،صاباح وار تبریـزه قـورخــو
اونون فیکـری یاراتمـاق چـوخ بویوک بیـر ائرمنیستاندیــر.
"گـونئیلـی"بابـک ائـولادی اولـــر،تـورپــاق یـــادا وئـرمـــز
اولا میـن جـانـی،نـامـوسـلا،وطـن اوغـرونـدا قـوربـاندیـر.
شعیر: دوکتور حسین ـ محمد خانی"گونئیلی"
هارا گئتسن گله جـه یـم!
گونش کیمـی اوفوقلــرده
بـاتیب ایتسن گله جه یم!
دولانسان دا آی تک،ایــل تک
فیرلانسان دا هـاردا یئــل تک.
گول ایله سرخوش بولبول تک-
دیل - دیل اوتسن گله جه یم!
گــور ســولاردا یــوســـالاردا
آج نــاقـقــالار یئســه لــــرده
خبــر وئــریـب دئـســه لــرده
سن بیر جوتسن گله جه یم!
سـرت لیینـی،بـرک لیینــی
آریقـلیغیـن،کـوکلـویــونـــــو
سوی - کـوکـونـو،تـورکلویونو-
سن ترک ائتسن،گله جه یم!
بـونـو دئیه م،ایـکـی اوزلـــو!
ایلقـاریمـدان ال گوتورمـــه م
بیــرده سنیــن آدیـن توتوب -
عومـور بویو بیل گوتورمــه م!!
...بیل گوتورمــه م!!
...بیل گوتورمــه م!!
شعیر:علیائی کلیان(یاشیل)
چون دو مرغ دل آویزی به چنگ هم شدیم
افسوس
همای من پریدی و مرا بی بال و پر کردی
سن گلمز اولدون
سانکی یول اوسته کورپولر،
بولوتلاردان هورولموشدولر.
آیاغ قویسان اونلار،
قویماسان من آغلاردیم
اونلارین یئرینه.
سانکی دره لر-
گؤز اونمایان یئرلره چکیلمیشدیلر.
کئچسن اونلار –
کئچمه سن منیم گؤزلریم یولدا قالاردیلار.
و داغلار،
سؤز داغارجیغینی ـ
الینه آلیب سرت دایانمیشدیلار.
گلسن اونلارین
گلمه سن منیم ............
سن گلمه دین
قارغالار قولاغیمدا
یووا
هورومچکلر گؤزومده
تور
قورموشدولار.
یوللار سانجیلاندی
آیاغلارین کورپه سینی قوسدولارـ
سن یئنه گلمز اولدون.
